Schiè porcu
“Schiè porcu” , ti ricu e mi nni futtu si un mi saluti quannu passu,
picchì pi porcu ti pigghiu e pi porcu ti lassu.
Un sulu si tintu e si trarituri,
ma si puru lariu,nta facci, ri taliari,
chiossà ti taliu e chiossà mi veni di rovesciari,
talè, un ti siddiari, vatinni luntanu e cu mmia un ci veniri a ‘ncugnari!
Si tintu, si lariu e si fitusu:
un lu pozzu addiggiriri du parrari chi ha acitusu,
e si poi vo fari u mafiusu:
calati i cavusi ca ta ‘npurtusu!
Si un fussi ca u fangu è fangu puru all’avutra banna ru munnu,
mi nni issi, u ricu forti,
ma ccà nascivu, nmenzu all’aranci e i lumiuna,
e ccà m’avi a piscari a morti,
ccà, ‘nmenzu a sti petri e a sti minchiuna!
Un sulu si tintu e si trarituri,
ma si puru lariu,nta facci, ri taliari,
chiossà ti taliu e chiossà mi veni di rovesciari,
talè, un ti siddiari, vatinni luntanu e cu mmia un ci veniri a ‘ncugnari!
Si tintu, si lariu e si fitusu:
un lu pozzu addiggiriri du parrari chi ha acitusu,
e si poi vo fari u mafiusu:
calati i cavusi ca ta ‘npurtusu!
Si un fussi ca u fangu è fangu puru all’avutra banna ru munnu,
mi nni issi, u ricu forti,
ma ccà nascivu, nmenzu all’aranci e i lumiuna,
e ccà m’avi a piscari a morti,
ccà, ‘nmenzu a sti petri e a sti minchiuna!
Domenico Passantino
© Riproduzione riservata
9 commenti:
o mi, c'on pensi cà su u suggettu fussi u tucu all'urtimu putissi chiuri a poesia cù:
gèèè, cu specchiu stava parrannu
Poesia stupenda...grande Minicu...sembri Catullo nelle sue più belle "nugae"...spero di poter leggere ancora altre poesie su questa direttiva... very good
"u sa cu sugnu", tu u sa cu si? u nomi tu rugnu: si u minchiuni chi si!
A Minicu Passantinu
Skè porcu ci dicisti, è si puru ti nni futti l'onorasti
Pi porcu lu pigghiasti e pi porcu lu lassasti
S'è tintu e tradituri e di Giura avi la frigi e l'appariri
e cchiù lu talii e cchiù ti veni 'i scuncirtari
nun è ch'è iddu c'avi 'a stari luntanu: tocc'a tia 'un ci ncugnari
S'avi la brogna com'avi lu cori e la vucca com'aciu fitusu
e pi junta s'annaca l'anca e s'atteggia a mafiusu
iò mi schifiassi e certu megghiu lu truvassi un bon pirtusu
Lu fangh'è fangu: unn'è ca giri giri è sempr'u stissu
Nascemu ccà "nmenzu sti quattru petri di jssu"
A ttia e a mia, nun lu sacciu unni ni pisca Morti
ma nun c'è postu unni un ti secuta bona o mala sorti
Mennuli, ficu, aranci mandarini e lumiuna
ormai su a tutti banni, comu li minchiuna.
Tammurinaru,
tu ca sa parrari,
a quantu viu,
scrìviti cu nomi, santu diu,
asinnò i minchiuna chi sparramu
e l'omi i panza
pensanu ca si fattu ri dda sustanza
r'iddi,
e tu ca scrivi e sfutti futti,
tantu diu perdona a tutti,
unn'è cosa tò ammucciariti cu na nciuria,
picchì chiddi com'a mia e tia chi su testa pazza,
un si scantanu di nesciri a facci nta chiazza,
anzi, si nu rici a testa, sapemu nesciri puru a minchiazza!
Rimmi ca unn'è beru,
bre bre tammurinaru!
Pi quantu mi riguarda l'arvulu si ricanusci di lu fruttu.
E si puru la scorcia è fatta e lu zuccu è ddà, o grittu o tortu, mi sentu comu 'na chianca d'aliva ca doppu tanti abbruciatini avi ancora la forza di scattari e fari fruttu.
Comu 'na chianca d'aliva 'ntà li Manchi
chi si mpenni sempri virdi supra li lavanchi.
Unn'è di nuddu e nuddu la rimunna ma cu passa cogghi, sala e mancia.
Di li so figghiulini è chinu un territoriu e nuddu u sapi e nuddu u voli diri ma si circati un zitu d'aliva grossa e massara, bona di scacciari, e salari, e faricci passuluna
tutti vennu ccà a rumpicci 'i .....
sì, ma non c'entra niente con quello che ho detto io!
Pari a ttia !!!
omu ri panza!
è un'offesa o un complimento?
Posta un commento