Ciminna-Marineo tra folklore e ingiustizia sociale

da percorsi poetici a Brannu

Partivu pa festa ru Signuri 

una poesia di Domenico Passantino recitata da Ezio Spataro

Domenico Passantino è un poeta ciminnese che ho avuto modo di conoscere virtualmente attraverso il blog Agorà Ciminna, dove noi pubblichiamo le nostre poesie.

Da quando ho perso "il treno della poesia" a Marineo, a Corleone e a Milano, aspetto l'ultima coincidenza a Ciminna, e se mi va male anche stavolta, non mi rimane che attaccarmi al tram.

Già ho avuto modo di infettare anche Ciminna coi miei prodotti poetico-intestinali, ma siccome ormai mi pigghiaru a cori allora si attuppano il naso. 

Mi finì comu "Petru Sasizza", un poeta di strada di Mezzoiuso che girava i paesi a diffondere il verbo della poesia, e che aveva la passione di gonfiare palloni durante le feste di paese.
Io non gonfio palloni, ma mi uncianu atri cosi e forse con la poesia spero di falli sdunciari.
Questa poesia di Domenico Passantino l'ho voluto recitare di persona, mi piace, identifica la mia rabbia e mi ricorda molto lo stile e la grinta di Ignazio Buttitta,  mi ricorda anche la nostra ottava del Corpus Domini a Marineo, una festa da me vissuta con gli occhi della lontananza, e con una domanda insistente che mi attanaglia: "ma chi si nni fa u Signuri di tutti sti ciuri spampinati, si poi manca la giustizia ?". Coi fiori spampinati mi riferisco al rito dell'Infiorata che si svolge a Marineo in occasione della festa del Corpus Domini, un rito di per se positivo, coreografico e bello, ma che provoca lo sdegno di Dio, quando nei paesi e nelle realtà locali prevale solo il folclorismo sulle ali dell'entusiasmo, e poi trionfano le ingiustizie, i clientelismi, le furberie tipiche del nostro popolo. La poesia di Passantino illustra perfettamente queste dinamiche. Le mie parole sono poca cosa.

Era propriu a festa d’u Crucifissu

quannu partivu luntanu di sti casi di issu

e di sti fumalora addummisciuti.

Virìa ddu mari granni granni

e mi sintia accussì nicu,

mancu avia i sordi p’un paru di mutanni

e già mi mancava a me casa e u per’e ficu

sutta u finistruni,

e comu un minchiuni,

sintennumi accussì luntanu,

stinnìa i manu

o cielu e ci ricìa:

“vogghiu turnari un gnornu dda ni mia,

‘nta me casa!”.

 Ora ca ci pensu’ però, fu vastasa

a me terra,

ca mi misi o munnu e mi lassà cu culu nterra.

Sintìa parrari dda lingua strània

e u pitittu m’attuppava,

virìa ddu suli chi gghiucava ammucciareddu

e agghiuttìa sputazza comu un aceddu

nta iargia.

Ogni tantu m’arrivava una notizia

e m’aumentava a raggia:

“u sa? o paisi stasira nesci u Patri di li grazi”,

e nto pettu mi strincìa un catinnazzu

pesanti comu u chiummu,

e pinsava a ddi torci chi giravanu ntunnu ntunnu

e io era cca, a dda banna o munnu,

e facìa comu un pazzu

Pinsava o me paisi, ai cristiani,

e i virìa a tutti beddi tisi,

anzi i virìa  comu i liami:

ci passavanu di ‘ncapu ricchi e burgisi,

ci passavanu i tinti e i mafiusi,

e m’addumannava si c’era differeza tra u mafiusu

e u carrabbineri,

m’addumannava picchì quannu finìa u furmentu susu

c’era cu si vinnìa puru a mugghieri.

Virìa i paisani dda sutta u Crucifissu,

i virìa cu sangu ‘nta l’occhi addumannari:

“Patri di ligrazi siti e grazi n’aviti a fari”

e io vulìa turnari vulìa turnari…

Mi sentu diri ca prima partìanu sulu chiddi comu a mmia, i gnoranti,

e oggi partinu puru chiddi sturiati,

nichi e granni,

e allura quali sunnu sti cosi  chi dicinu canciati?

Ora pensu pi mme figghiu,

ora ca dda ‘nSicilia u travagghiu

c’è pi tutti,

ora ca nuddu cchiù si vinni a mugghieri,

e un c’è cchiù ddu futti futti

di una vota,

ora ca un ci sunnu cchiù né mitateri

né patruna,

m’haiu a pigghiari una cannila e una cruna

e o Patri di grazi cci fazzu u viaggiu scavusu,

ci u fazzu stu viaggiu pi darici lavusu

ca me figghiu po’ turnari nta so terra chi cugghiuna

‘nte manu,

picchì finì u vasamanu

p’ammuccarisi un cozzu di pani,

oggi nuddu chiù mori di fami,

e fineru i traritura e i ‘nfami!

Staiu ricennu a verità?

Tu ca leggi, sulu tu u sa!

Tu cu u postu sutta a vara,

e tu c’addumanni i grazi ca cannila,

tu chi ti talìi u iocu di focu

e ti pari tuttu un gnocu.

Ma io sugnu pocu,

anzi nenti

e fazzu abbili pi ccu?cu mi senti?

“L’aceddu ‘nta iargia o canta pi ‘nmiria o canta pi raggia!”

E allura mi zittu

e tiru a campari,

mi scordu du tortu e mi scordu du rittu,

mi mettu sutta a vara e continuo a grirari:

“Patri di li grazi siti e grazi n’aviti a fari,

a nuatri peccatura n’aviti a perdunari…”

di Domenico Passantino