A Eziu u marinisi

Un mi capita tantu spissu 

ri puitiari in sicilianu

ma sta vota lu fazzu u stissu

pi' cuntarivi r'un cristianu

chissu scrivi a tanta genti

satariannu comu un griddu

ma sta vota jo presenti 
ci 'ni scrivu una a iddu.

Iddu era u benvenutu 
a un simposio o me paisi
e si 'unnì l'aviti caputu
parru ri Eziu u marinisi.

A Milanu fa u 'ncigneri
pi quasi tuttu l'annu
ma quannu avi li so feri
 s'arricampa sempri a Brannu!

Quannu torna a Milanu 
di san Ciru è prutettu
 accussi puru ri luntanu
teni vivu l'intellettu!

Picchì vuavutri aviti a sapiri
ca quannu finisci ri travagghiari
Eziu adduma lu compiuter
e cumincia a recitari;

fa poesii 'ncapu a tutti, puru casi e cristiani
e lu fogghiu 'un resta asciuttu, si na penna è fra i so mani.

E si poi è ispiratu, 
puru sutta un peri ri ficu
 Eziu ti teni 'nfurmatu
su la sustanza ri lu picu.

O si pi casu duranti u jornu, è pigghiatu di l'emozioni
iddu cunta ri li braccianti e la so rivuluzioni.

Ma i poesii di chiù successu
parinu scritti rintra u bagnu
chiddi unn'ecchi u nostru Eziu 
parra ri fimmini e parpagnu!

E ora ca semu alla fini
e a poesia fu finuta
speru ca pi li so rimi
in bona parti fu graduta

E allura jo vi dicu
cu affettu e puru amuri
ca ormai Eziu è un me amicu
e speru ca torna u favuri!

di Filippo Leto

 Poesia dedicata ad Ezio Spataro gestore di Percorsi poetici a Brannu