Santu Vitu

Tu cu li masciddi russi russi e li riccioli dorati

cu la Parola e na parma stritti o pettu

e na cruci ‘nto na manu  chi porti cu rispettu,

sazzia  nuatri piccatura ri misericordia affamati.

Tu ca da Diu fusti mannatu a proteggiri sta terra

senti li nostri chianti acchianari da lu fossu

e carmali tu ca si nicu nicu ,ma ca  ri Firi fusti  rossu,
‘nta li famigghi porta amuri e fai chi cessi ogni guerra.

Tu ca pi lu nostru Diu e la so Parola patistivu la morti

alluntana tutti i mali da la nostra bedda Minna

tu ca rasti lu to nomi a tanti figghi ri Ciminna;

O Santu Vitu  ‘nte to manu affiramu a nostri sorti.

Tu ca ‘ncapu du cozzu ha la to bedda dimura

porta a lu Signuri li prieri di cu, cu tant’amuri,  t’onura.

di Davide D'Alessandro