Agorà Ciminna è attivo al nuovo indirizzo www.agoraciminna.it

La seguente pagina rimarrà a vostra disposizione con le sole funzioni di archivio degli articoli pubblicati negli anni passati (Agosto 2012).
Selezionando i due menù alla vostra destra potrete attingere alle notizie classificate per data e per argomenti.

sabato 17 dicembre 2011

Chiovi nu paisi desertu

 (I suspira da me terra) 
Chiovi finu finu 
e a lavina sta ncuminciannu
a calari di li utteri,
fu lu ventu forti di stamatina
a purtari li negni d'acqua,
mentri lu friddu s'infila nta l'ossa.

U fruttivendulu abbannia a Funtanedda
e si ripara di l'acqua sutta u cappucciu
du giachittuni, ca ora sta nfurzannu,
nu ntrasi dintra u cammiu picchi incurraggia
a genti a cattarisi a frutta.

Ma la genti nu nveni nta u banniaturi,
picchi ora l'acqua sgrizzia a tutti banni
e a tempesta nu nviri a nuddu,
curri a sciumana mezzu i strati,
ringhi li fossa e rumpi i canali.

Nu viri li paracca di la genti
ca currinu dintra a ntanarisi, 
ne l'arbuli ca frischianu sutta u ventu
e i pampini parinu ca toccanu nterra,
nu viri i grasti ne balcuna allavangati,
ne i atti murghi ca si gnunianu sutta i machini. 

U fracassu di l'acqua si fa sentiri forti,
ora sulu idda ioca mezzu i strati allavangati,
mezzu i curtigghia e vaneddi du paisi desertu 
c'ora dormi nsonnu ngninu,
picchi scurà chiuvennu fora
e dintra u cori di la genti chi gghi a dormiri.


di Maria Francesca Barbaria

BRANO CONSIGLIATO PER LA LETTURA


Nessun commento: