Poesia a Lucio Dalla

Brano consigliato per la lettura


Caru Luciu
sta’ nutizia,all’impruvvisu,
nni’ lassau senza sciatu!

Di certu, mancu tu
ti l’aspittavi ,
ca tuttu a un trattu,
ti nn’avevi a gghiri!
Tri ginirazzioni
avemu crisciutu cu tia
e chi to’ canzuni,
ca tantu nn’hannu datu,
“ nsignamentu e assai emoziuni  !

Certu ,pi li to biddizzi
nun javamu pazzi !
beddu propriu nun eri,
nun vogghiu ca’ t’affenni,
avemu a essiri sirceri !
ma di sicuru, quannu cantavi,
i nostri cori,
tutti ti li pigghiavi !

Vinisti  puru
curtu ri statura,
ma addivintasti
granni artista,senza misura !

L’ultimu regalu
nnu’ rasti pi san remo,
piccatu can nun pigghiasti
u primu premiu !

Oggi e’ lu  4 marzu
e pi irunia ri la sorti
pu jornu ru to’ compleannu,
chiancemu tutti la to’ morti  !

Chiddu ca nni’ lassi,
e’ un ricordu senza fini !

E’ comu si nni’ fussi
sempri vicinu !

Addio caru amicu
 chiamatu “Gesu’ Bambinu “




di Domenica Pavone