Era lu jornu ri lu “Venniri Santu”
E comu sempri sugnu solita fari,
ddà matina li li sapulcri mi ivu a firriairi,
pi farini lu pricettu pasquali,
Giò ntà ru chesi,
lu santu sapulcru avia visitatu,
e m’avviavu versu la terza,
pi concldiri lu giru
c’avia prugrammatu.
Ri pocu era menziornu passatu,
quannu, arrivata ravanti la chesa,
truvai la porta già chiusa!
Granni fu la mé dilusioni!
Ormai era tardu,
nun c’era cchiù nenti ri fari!
Turnai narreri nnè me passi,
ma a un trattu,
un fattu stranu successi,
e “qualcunu” vosi, ca iu ddà ci fussi!
Un picciriddu ri quasi quattr’anni,
iucava cu ddu palummi,
ravanti a na machina pustiggita,
so matri lu chiama uri l’avutru lat uri la strata
Iddu, ‘ncuscenti, subbitu si partiu,
ma un muturi, a gran velocità, stava p’arrivari,
e fu ddòcu ca ‘ntirvinni iu!
Ntò lampu, tutt’ora un sacciu comu,
fui ‘ncoddu o picciriddu,
l’affirrai p’un vrazzu,
e satai nnarreri, comu sata un griddu!
Tutta trimanti, mi lu misi ‘mbrazza
E lu vasai, iddu scantatu, forsi pinzò:
-ma chista com’è pazza? Cu l’ha vistu mai!-
E subbitu dopu,
un pinzeri, mi culpiu la menti!
“Ah! Signuri! Bona fu la scusa,
ri farimi truvari la porta ri la chesa chiusa
di Domenica Pavone
Nessun commento:
Posta un commento